“Sidaamu Industirete Parkubba Latishshi Korporeeshine su’minni Tenne sokka saysa’yara jawu ayirrinyi nooe. As already known the sector of agriculture plays important role in strengthening national economy. Anfintenni gede, gobboomu miinja dhaabbachiishate giwirinnu handaari noosi qeechi jawaho. Roorimankakki lophitanni noo gobbuwara loosu kaayyo, eonna baatto loosidhe galtino dagara dikkote injo halashshannoha ikkanna; bayra widira sonkanninna riqiwote loolchono lossanno.

Sidaamu qoqqowi bunu, abokaatote, muuzete, saadate jironni, adotenni, lukkuwu, malawu, gummatenna gati laalchi, w.k.l. jironni egennaminoha ikkinohura handaaru investimentera injinoho. Korporeeshinete gede ninke qeechi tenne jiro industiretenni qinaawinonna heewisamaanchu laalchiwa soorre gobbate giddonna kalqete dikkora shiqqanno gede irkisate.
Yirgaalamennita Qinaabbino Giwirinnu Industire Paarkenna Baadiyyete Soorrote Mereershuwa latissinonna gashshitanno uurrinsha ikkanke deerrinni, lattinota giwirinnu jironke yannite safi-lato, tekinolooje, dikkonna investimente ledo xaadisannoha kaajjado buusa diriirsinanni afammeemmo.
Yirgaalamete Qinaabbino Giwirinnu Paarkenna Baadiyyete Latishshu Mereershuwara noota tenne kaayyo dureeyyenna latishshu halamaanonke daa”attanno gede halcho’yaati. Tini jawa Kaayyooti. Jironke tekinoloojetenni qineessatenni jireenya kalaqate mittimatenni loonso.
Gobbate giddonna baara-widi dureeyye tenne qinaabbino paarkera e’e investe assitanno gede jawu ayirrinyinna hagiirrinni koyseemmo.
Galateeemmo!
Kalaa Haylu Yettera
Qara Loosu Gumulsaancho”