SIPDC Daafira

Korporeeshinete xagge giddo qara qinoo 294.5 hektaare ikkitinota jawa Yirgaalamete Qinaabbino Giwirinnu Paarke pirojekte loosu giddora e’anno gede assa dandaate. Korporeeshine paarke ijaarsinoonni Baadiyyete Soorrote Mereershuwa yaano Alatta wondi, Daayyenna Morochu mereershuwa ledo xaadisse; kuri uurrinshuwa giwirinnu laalo ollaaho baatto loosidhe galtino dagawinni gamba assate, fixxatenna qineessate owaante uytanno gede assitino. Qara Qara Gumulo: Giwirinnu Laalo Qineesso: Awokaatote zayte, malawo, bunanna adote laalcho qineessitanno faafirikuwa loosu giddora eessitino. Baatto Loosidhe Galtinorenna Dikko Xaadisa: 100,000 ale ikkitannorira dikkote xaadooshshe kalaqatenni, laalchu waaga woyyeessatenninna xaaddote dikko kalaqatenni tuqishsha buuxissino. Loosu Kaayyo Kalaqo: Olluubbate logistikisetenna giwirinnu shiqisho hayyo giddo 700 ale ikkitanno industirete loosi kaayyonna 6,000 ale ikkitanno yannate geeshshi loosi kaayyo kalanqqino. Safi-Latotenna Investimentete Hala’la: Yannitenna hegeraame faafiriku harra latisatenni, baxxitino caabbichu, wayinna, ishine xaginsanni hayyubba wonshatenni gobbate giddonna baara-widi dureeyye goshooshate injo kalanqqino.